Halmashauri ya Manispaa Mpanda ni miongoni mwa Halmashauri zinazotekeleza muundo mpya wa Halmashauri za Manispaa ambao uliidhinishwa mnamo mwaka 2011 na Waziri Mkuu Mh Mizengo P Pinda. Kwa sasa kitengo kina watumishi watatu ambao ni Afisa habari na uhusiano mmoja na Afisa TEHAMA. Toka kuanzishwa kwake hadi sasa kitengo hiki kimejitahidi kufanya kazi kwa ufanisi mkubwa ili kuweza kufanikisha lengo namba 9 la Serikali ambalo ni kuimarisha Teknolojia ya Habari na Mawasiliano. Jukumu kubwa la kitengo hiki ni Kusimamia masuala yote ya Habari na Mawasiliano ya Halmashauri halikadhalika kusimamia mifumo yote ya manispaa. Kitengo hiki kimegawanyika katika sehemu kuu mbili ambazo ni:
Habari na uhusiano
TEHAMA
Majukumu ya Kitengo
Kuandaa miadi ya mkurugenzi kukutana na kuongea na vyombo mbalimbali vya habari
Kutoa ufafanuzi kwa vyombo vya habari na jamii kwa masuala mbalimbali yanayohusiana na manispaa kwa kufuata maelekezo ya mkurugenzi
Kuandaa machapisho mbalimbali kwa ajjili ya kuhabarisha jamii kuhusiana na masuala mbalimbali ya halmashauri (machapisho kama vile vipeperushi, jarida, )
Kuandaa mkutano wa waandishi wa habari (Press Conference) baina ya mkurugenzi/mstahiki meya na waandishi wa habari.
Kuratibu na kusimamia waandishi wa habari katika shughuli mbalimbali za Manispaa kama vile baraza.
Kuhakikisha tovuti ya manispaa inaandaliwa na inafanya kazi.
Kuhakikisha manispaa inasajili na kutumia barua pepe za serikali (Government Mailing System) kwa ajili ya kutuma na kupokea taarifa za kiserikali.
Kusimamia mawasiliano ya ndani na nje ya ofisi (Internal and External Communication)
Kusimamia Mifumo yote ya Halmashauri,ifuatayo ni mifumo inayosimamiwa
Mfumo wa Hcmis(Lawson)
Mfumo wa Rasilimali Fedha (Epicor)
Mfumo wa Prem
Mfumo wa Bemis
Mfumo wa Mapato ( Lgrcis)
Kusimamia Mashine za kieletroniki zinazokusanya Mapato(Pos Machine)
Kusimamia Matengenezo yote ya vifaa vya Tehama kwa kuhakikisha vifaa vyote vipo katika hali nzuri
